Në “San Siro” u luajt një nga ndeshjet më të rëndësishme të fazës së grupeve të Champions League, teksa Bayern Munich fitoi 2-0 përballë Interit.
Por para se të niste ndeshja në fushëë, vëmendjen e mori një djalosh që bëri shqiponjën me duar, teksa jepej himni i Champions.
Videoja e tij është bërë virale në internet, teksa po qëndronte përpara D’Ambrosios ai bëri simbolin e shqiponjës dhe buzëqeshi si një “engjëll” i vogël, duke bërë që të gjithë të “dashurohen” me të.
Tifozi i vogël është nga Dibra dhe quhet Amar Doda. Është vetëm 4-vjeç, por siç duket dashurinë për futbollin e ka në gjak.
Amari është një tifoz i zjarrtë i Interit është anëtari më i vogël i Inter Club Albania, grupimit zyrtar të klubit zikaltër në Shqipëri.
Për t’ia shtuar më shumë bukurinë fakt mbresëlënës është lidhja që ka vogëlushi me një nga njerëzit që i shërben çdo ditë pa pushim futbollit shqiptar, veçanërisht klubit të Tiranës. Ai është nipi i fotografit të njohur, Izmir Dodës.
