Roja Bregdetare Agust Hoxha gjatë një interviste në emisionin “Jeto me Orën” në RTV ORA ndau një histori që kanë pasur me një nga personat e trajnuar dhe certefikuar si roje bregdetare.

Bëhet fjalë për një çun nga Tirana. Sipas Agustinit vetëm një ditë pasi u certefikua si roje bregdetare ai u ndesh me një rast në terren.

Por si duket nuk e ka përjetuar me shumë qetësi situatën pasi dhe pse e ka shpëtuar vajzën që po mbytej ka filluar të qajë.

Agust Hoxha: Erdhi një çun nga Tirana, u certefikua. U certefikua pasdite, të nesërmen paradite i ndodhi rasti. Qante si fëmijë. Ai e shpëtoi një gocë nga Dibra. Ajo e kishte gërvishtur me thonj.

Dhe kjo është pjesa e instruktorit, duhet ta dijë si funksionon dhe si është. Duhet të jetë i mprehtë. Mund të rrijë tre muaj aty por ama për një second të shpëton jetë. Duhet të jesh me fizik i guximshëm dhe me llogjikë pas ii paguan vetë pasojat pastaj, do të mbytesh.