Këngëtari Bujar Qamilit në emisionin “Why Not” në RTV Ora ka folur rreth karrierës së tij dhe sekretit për arritjen e suksesit që mbart sot mbi supe.
Ai ka provuar muzikë e këngëtarë 50 vite, por kush është sekreti?
Bujar Qamilit: Nëse do të bëhesh dikush, të bësh gjurmë e të arrish në këto maja në radhë të parë ti duhet ti këndosh vendit tënd, qytetit tënd. Nëse ti vazhdon e këndon këngë popullore që në fillim dhe vazhdon të kesh sukses siç e kam vazhduar unë me këngë shkodrane. Më tha një mik i imi ‘O Bujar a qëndron në Tiranë?’ i thash ‘Unë nuk qëndroj as në New York as në Sidney vetëm në Shkodër’. Edhe ua kam këshilluar dhe këngëtarëve të tjerë që nëse doni të bëheni dikush dhe të lini gjurmë, vazhdoni të këndoni këngët e vendit tënd.
Sakaq ai foli dhe për ndihmesën që ju ka dhënë këngëtarëve të rinj, ku u shpreh se ndihet mirë që përmes tij këngëtarë të ndryshëm kanë fituar diçka apo janë bërë dikushi.
Bujar Qamili: Ka pasur këngëtar të rinj që kanë ardhur, më kanë takuar dhe kam respekt të madh për ta. Më vjen mirë që nëpërmjet meje ata të paktën kanë fituar diçka apo janë bërë dikushi. Ata e kanë merituar sepse vokali ka qenë i tyre por prania e imja. Dueti me Mateos. Mateos një djalë i shkëlqyeshm që e dua fort. Është tepër i arsyeshëm. Ai ka paguar për këngën shumë. Me pjesën e You Tube është marrë vetë. Dueti me Luanën, unë nuk di çfarë është bërë me you tube, mua më ka interesu vetëm me dal me e respektu dhe me kry punë.
