Pak ditë më parë Arbana Osmani konfirmoi lajmin se këtë vit do të drejtojë edicionin e 61 tê “Festivalit të RTSH”, teksa prezantoi edhe ekipin e saj të besuar me të cilin do bashkëpunojë në këtë aventurë artistike, ndërsa e quajti moderimin e eventit muzikor “privilegj dhe përgjegjësi.
Por çfarë do të ketë ndryshe Festivali këtë vit? Pa hyrë shumë në detaje teknike, në një bisedë me ndjekësit në Instagram sot moderatorja tregoi qasjen e re që Fest’61 do tê ketë ndaj projekteve dhe artistëve. Sipas saj veçoria e këtij edicioni është se përtej çdo gjëje, qendra e organizimit do të jetë muzika dhe artistët alternativë e sidomos ata të rinj.
Po ashtu, ndryshe nga vitet e fundit, këngët pjesëmarrëse do të prezantohen në netët finale të Festivalit pasi këtë edicion (siç e lexuat më lartë) klikimet nuk kanë rëndësi.
Ndërkohë meqë jemi tek Arbana, këtë fund viti ajo nuk do të jetë e zënë vetëm me Festivalin por mesa duket edhe me edicionin e dytë të BBV, që do të nisë sipas saj para festave të Vitit të Ri.
