Mrizi i Zanave ka bërë një gjest human për një familje fermerësh që është prekur nga përmbytjet.
Biznesmeni Altin Prenga së bashku me punonjësit e Mrizit të Zanave dhe i kanë dhuruar ushqim për gjënë e gjallë, pasi ajo që vetë fermerët kishin mbledhur ishte dëmtuar nga përmbyrjet.
“Xhovalini dhe nusja e tij Flora janë një nga ata familje fermersh të cilëve iu është përmbytur ferma në këto ditë me reshje të jashtëzakonshme të shiut.
Duke qenë që për fat të mirë nuk ka pasur dëme në bagëti, vetëm pak pula, por sa i përket lopëve dhe dhenëve i ka të gjitha shëndoshë e mirë, por ka pasur një humbje të jashtëzakonshme të grazhdit.
Sikur e ka traditë shqiptari menduam të çojmë diçka dhuratë, inkurajuese siç ndodh në këto raste. Është një familje që ka një shtëpi shumë të mirë, por shpesh herë detyrohet të flenë në fermë për arsye që ka frikë nga vjedhjet gjatë natës të fermës.
Ishte një ditë shumë e bukur na dhuruan mandarina, na qerasën me raki. U urojmë shëndet dhe jetë sa më të mbarë të dyve” dëgjohet të thuhet në një video të publikuar në faqen e Mrizit të Zanave.
