Përdorimi i djepit si shtrat për fëmijët, këto janë pasojat që shkakton. Ardhja në jetë e një fëmije paraqet gëzimin më të madh për familjet. Ai sjell me vete dashuri e lumturi pafund. Djepi ka qenë një ndër dhuratat më të çmuara, duke zënë një vend të veçantë në kulturën shqiptare. Ai është përdorur si shtrat i fëmijëve.
Në kohë të vjetra djepi është punuar prej gurit, kurse më vonë është zëvendësuar prej drurit, duke u trashëguar edhe te gjeneratat e reja. Ndërkaq në ditët e sotme, përdorimi i djepit vjen duke u rralluar.
Ndonëse djepi konsiderohet si nxitës i gjumit, ai në aspektin shëndetësor mund të sjellë disa çrregullime. Neurologu, Blerim Myftiu në një intervistë për T7 realizuar vite më parë, kishte treguar pasojat që mund t’i sjellë përdorimi i djepit te foshnjat.
Kur fëmija të vendoset në djep, lidhet pjesa e kërdhokullave dhe bashkohen këmbët mes vete. Duke e cilësuar këtë si diçka të dëmshme, ortopedi Cen Bytyqi thotë se fëmija duhet të bëjë gjumë sa më të lirshëm.
Në ditët e sotme një djep kushton 25 euro.
