Moti i keq ka përfshirë pjesën më të madhe të territorit të vendit me reshje të dendura shiu dhe bore, kryesisht në zonat malore.
Reshje të dendura shiu kanë shkaktuar përmbytjen e disa rrugëve të brendshme në qytetin e Lezhës. Qytet nga i cili, Euronews ka mundur të sigurojë dhe një video jo fort të zakontë.
Një person shihet duke dalë nga ambientet e një lokali në Lezhë, me çizme dhe çadër. Ai sfidon vërshimin e ujit në rrugë për të transportuar me tabaka kafet e mëngjesit.
Nderkohe kujtojme se Ministrja e Arsimit, Evis Kushi ka njoftuar se për shkak të kushteve të rënduara atmosferike dhe reshjeve të dendura të shiut dhe dëborës, do të bëhet mbyllja e 56 shkollave në të gjithë territorin e vendit.
Përmes një postimi në facebook Kushi bën me dije se ky vendim është marrë për sigurinë e nxënësve, deri në përmirësimin e situatës.
Sipas ministres, të gjitha strukturat e ministrisë janë vazhdimisht në terren dhe bashkitë janë angazhuar për të marrë masat dhe vlerësuar situatën hap pas hapi.
