Nga Senad Nikshiqi
Kjo është Mirjam Hasani, mësuesja nga Shkodra e cila pas 40 vitesh punë në arsim feston 7 marsin e fundit. Nga duart e mësuese Mirjamit, e cila është në prag të pensionit dolën breza të tërë nxënësish të cilët i edukoi me përkushtim. Të parët që e urojnë janë nxënësit e saj të klasës së pare.
Mësuese Mirjami erdhi nga Durrësi në Shkodër dhe pasi u martua nisi punën në vitin 1984 në zonën malore të Rapshës në Malësinë e Madhe bashkë me bashkëshortin. Ajo tregon se në katër vitet e para shpesh herë ecte për orë të tëra duke rrëfyer vështirësitë e asaj kohe.
Pas Rapshës, Mirjam Hasani erdhi në shkollën “Xheladin Fishta” për të dhënë mësim në këtë shkollë në të cilën nisi rrugën e dijes në vogëli.
Fillim vitet ’90 dhe viti i mbrapshtë 1997 ishin dy moment të vështira por mësuese Mirjami zgjodhi që të bëjë mësim edhe në ato kushte.
Në 40 vite punë, 61 vjeçarja e cila është në prag të pensionit tregon se ka arsimuar breza të tërë nga e njëjta familje.
Me shumë nostalgji e respekt kujton brezat e mësuesve që gjeti në shkollën 9-vjeçare “Xheladin Fishta” në të cilën jep mësim prej 36 vitesh pa ndërprerje.
Një keqardhje ndjen për shkollat që po bashatisen nga emigrimi por edhe lindjet gjithnjë e në rënie.
Mësuese Mirjami në fund ka një mesazh për brezin e ri të nxënësve, prindërve dhe mësuesve.
Ky brez i artë mësuesish si Mirjam Hasani të cilët largohen nga sistemi arsimor për shkak të moshës së pensionit do t’i mungojnë shkollave shqiptare.
