Brokoli është ndër perimet më të shëndetshme. Ka përfitime të fuqishme dhe të shumta shëndetësore të cilat mund ti përfitojmë nëse konsumohen rregullisht. Për shkak të vetive anti-inflamatore, ky flavonoid i veçantë pakëson rrezikun e alergjive. Një supë me brokoli është e lehtë për t’u përgatitur dhe është e përkryer për individët e zënë me punë.
Do t’ju duhet:
1 ½ kilogramë brokoli
1 qepë e mesme (e grirë imët)
2 lugë vaj ulliri
½ lugë çaji kripë deti
2 litra ujë
Përgatitja:
Ngrohni vajin e ullirit në një tenxhere të madhe. Kur vaji te jetë i nxehtë, shtoni qepën dhe lëreni derisa të zbutet për rreth 15 minuta. Më pas i shtoni brokolin dhe e lini edhe 10 minuta të tjera. Shtoni ujin dhe kripën për shije. Lërëni supën për rreth 25 minuta, derisa brokoli të jetë zbutur mjaftueshëm për shijet tuaja. Duke përdorur një blender, ju mund ta bëni kremoze supën me brokoli. Më pas e ruani në frigorifer dhe e hani, sa herë të jeni të uritur.
