Në rubrikën “Ka Një Mesazh Për Ty” nuk janë vetëm të ftuarit ata që marrin një ndjesë apo falenderim. Shpeshherë këta të fundit dhurojnë po aq emocione sa personi që i ka ftuar siç vepron Marjeta me bashkëshortin e saj.
Pasi mori mesazhin e tij në rubrikën nga “E Diela Shqiptare” në Tv Klan, ajo e falenderon për mbështetjen e pakushtëzuar përgjatë 32 viteve së bashku.
Marjeta: Edhe unë kam një mesazh për Dedën. Dua t’i them që të gjitha këto ditë kanë qenë shumë të mira pavarësisht se ulje-ngritjet kanë qenë si në çdo familje tjetër dhe kanë qenë të kuptueshme dhe të mirëkuptueshme. Dua ta falenderoj për gjithë mbështetjen që më ka dhënë që të gjithë arsimimin e kam vetëm falë Dedës.
Sinqerisht, më regjistronte në shkollë dhe vetëm kur më thoshte që “vetëm merr çantën e librave dhe nisu” dhe unë shkollë pas shkolle i kam bërë vetëm falë Dedës. Po mos të kisha patur mbështetjen e tij, as në shkollë s’kisha shkuar, askund. Gjithashtu edhe profesionin e kam falë Dedës, apo jo se të gjitha kanë qenë si pasojë e arsimeve që kam kryer. Mbështetjen e Dedës e kam pasur, nuk është se më ka munguar, e kam ndjerë. E falenderoj edhe për respektin./tvklan.al
