Ashtu sic është aluduar ditët e fundit, jo vetë nga mediat, por nga vetë aktorët e programit të njohur të humorit “Klanifornia”, nisur nga sezoni i ardhshëm shfaqjen kabare nuk do ta shohim më në ekranin e Tv Klan. Burime ekskluzive për “Vip Magazine” dhe jo vetëm, bëjnë me dije se arsye përse ky produksion nuk do të jetë më pjesë e programacionit të Klan është pikërisht përfundimi i kontratës dhe mos rinovimi për një tjetër vit.
Megjithatë nuk dihet nëse programi do të mbyllet, do të “zhvendoset” diku tjetër apo do të ridiemnsionohet, ndoshta me protagonistë të tjerë e ndryshime në format. Ajo cka mund të theme me siguri është se Jul Deda nuk do të jetë më pjesë e tij, si aktor e drejtues artistik, duke qenë se pak ditë më parë postoi edhe foton e fundit nga ambientet e Tv klan dhe fotot e fundit nga rrugëtimi “fantastik” i spektaklit.
Ka dyshime në rrjet, nisur nga postimet e fundit të Julit se ai mund t’i ribashkohet “Portokalli”, por deri më tani nuk ka asnjë konfirmim nga ana e tij.
Interesante të dihet është projekti i radhës i Marina Vjollcës, moderatores së emisionit, e cila disa ditë më parë në një bisedë me ndjekësit tha se ka projekte të reja po pa zbuluar gjë akoma.
