Në 45 vjet karrierë muzikore, Gjergj Leka mund të numërojë mjaftueshëm incidente të vështira apo të sikletshme skenike. Megjithatë, një prej tyre e ka të vështirë ta harrojë sepse i ka rrezikuar jetën. Ai kujton këtë episod në “Rudina” në Tv Klan dhe e mendon si një situatë që vërtet pati fat.
Gjergj Leka: Më i tmerrshmi ka qenë në Trieste, madje shkruajtën shumë gazeta. Ka qenë viti ’93 në një festival Ballkani, mbaj mend në sheshin “Unita” të Triestes, një vajzë ruse që unë isha me piano, po e shoqëroja live, i bie një nga këto prozhektorët dy herë sa këto se atëherë ishin edhe mjete… dhe i prek veshin.
Ajo ka qenë tmerri më i madh se filloi një erë dhe aty kemi shpëtuar kot se ato janë probleme shumë të mëdha dhe ndodhin në skena, prandaj duhet të sigurohen mirë skenat që të kesh mundësi të mos ndodhin këto gjëra./tvklan.al
