Një shtetas shqiptar që ka prostituar me forcë të dashurën e tij 15-vjeçare në Gerland dhe Lion të Francës është arrestuar.
Në mediat franceze thuhet se më 28 qershor 2023, burri me origjinë shqiptare, i identifikuar si tutant i një adoleshenteje, u la në paraburgim në pritje të gjykimit në fund të verës.
Shqiptari thuhet se ka detyruar të dashurën e tij me të cilën kishte një “marrëdhënie toksike”, të prostituohej në një hotel në lagjen II të Lionit dhe në rrugët e Gerlandit për t’i marrë paratë.
Gjithçka filloi në fund të majit 2023: dy vajza të reja u panë të ulura buzë rrugës në lagjen Gerland nga policia. Njëra prej tyre pranoi prostitucionin dhe tha se paratë ia merrte “menaxheri” i saj.
Pas kësaj policia mësoi ekzistencën e një të dashuri xheloz dhe posesiv, të dënuar për dhunë ndaj adoleshentes në shkurt të vitit 2023.
Ndërkohë pas hetimeve, dyshimet e policisë u vërtetuan: vajza e re ishte totalisht nën urdhrat e të dashurit të saj dhe detyrohej të shiste trupin e saj.
Në të njëjtën kohë, policia identifikoi edhe një klient të madh të adoleshentes, i cili i paguante mjaftueshëm para “çiftit” në mënyrë që vajza e re të mos kërkonte burra të tjerë në rrugë. Në total, në harkun e një muaji e gjysmë, ai i kishte paguar 10 mijë euro të dashurit tutant.
Të pyetur nga hetuesit, vajza e re dhe tutori shqiptar kanë pranuar faktet, por janë përpjekur t’i minimizojnë ato.
