Një ngjarje e rëndë ka ndodhur në Australi. Një 22-vjeçar Tarikjot Singh ka varrosur të gjallë të dashurën e tij, Jasmeen Kaur, 21 vjeç, studente mjekësie.
Sipas mediave të huaja, i riu nga India e vrau 21-vjeçaren në shenjë hakmarrjeje, pasi ajo i kërkoi të ndaheshin. Ai e rrëmbeu atë nga puna, e lidhi me shirit dhe kabllo dhe e varrosi të gjallë.
I riu dyshohet se kishte planifikuar vrasjen e saj përpara se ta rrëmbente.
Trupi i të resë u gjet i varrosur në një varr të cekët në Moralana Creek, në Australinë e Jugut. Ajo u gjet me duart e lidhura pas shpine me kabllo dhe këmbët të lidhura me shirit, ndërsa autopsia zbuloi se shkak i vdekjes ka qenë asfiksimi, duke treguar se ajo ishte varrosur e gjallë.
